sunnitableegijamaat.com

As salamu alaikum,
Daur-e-haazir me har roz ek naya fitna paida horaha hai jo Aam logon ko Kufr aur gumrahi ki taraf liye jaraha hai. Jahan ek taraf wahabi/deobandi Aur Gair muqallid jaise Gustaakhane Rasool Aur Gustaakhe Awliya, logon ko Bad-Aqeedgi ka Napak Zehen de rahein hain vahin Dusri taraf kuch gumraah tanzeeme jaise Dawat-e-Islami aur Sunni Daawat-e-Islami Maslak-e-Alahazrat ka jhoota naam lekar Maslake Alahazrat ko badnaam kar rahe hai Sath hi sulaahkulliyat ki bimaari Faila rahe hai aur logon ko dhoka derahi hai.
In Tamam fitno ko phailane wali tehreekon ke dhoke aur fareb ke parda ko faash karne aur Sahi Maane mein Deen-e-Haq jo is Daur me Maslak-e-Alahazrat ke naam se jaana jaata hai….Uski sahi Tarjumaani aur Sahi Maslak Logon ke samne Pesh karne ke liye www.SunniTableeghiJamaat.com ka intekhab kiya gaya hai.
Ye Website All India Sunni Tableegi Jamaat ki Zer-e-Sarparasti me hai.Jise Huzoor Pasbaan-e-Millat Hazrat Allama Mushtaq Ahmed Nizami Sahab(rehmatullahi ta’ala alaih) ne Qayaam kiya tha. All India Sunni Tableegi Jamaat Alhumdulillah takreeban 38 Saalon se Zyada ke arse se Deen ki khidmat anjaam de rahi hai.
Yaad rahe is tanzeem ke muballig jaahil nahi hote hain, Aalim hona shart hai… Jaisa ke sarkar Alahazrat Imam ahmed Raza Fazil-e-bareilvi (radiyallaho taala anho) ne Fatawa Razawiyya me tehreer farmaya ke” Ghair-Aalim ka Bayan karna aur ghair Aalim se bayan ka sunna Haraam hai”
Alhumdulillah is par hamaari Jamaat(Sunni Tableegi Jamaat) ka sakhti se amal hai.